حرص المنتج وليد منصور، على توجيه رسالة للنجم محمد رمضان، وذلك بعد محاولات من رمضان لتغيير الإيرادات في موسم عيد الفطر.
وكتب وليد، على حسابه الرسمي بموقع التواصل الاجتماعي "فيسبوك": "رساله موجهة مني المنتج وليد منصور إلى شخص مجنون يدعى محمد "مرضان" وصلني إنك بتبعت رسائل من تليفونك الشخصي تتهمني فيها بتغير أرقام الإيرادات.. مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حمادة.. أولاً انت اسمك لازم كل مصر تغيره لـ محمد مرضان، لأنك بتفكرني بالمجانين اللي ماشين في الشارع ومش عايزين يصدقوا إنهم مجانين فارتاح يا حمادة محدش عاقل هيصدقك عمرك ما كنت رقم ١ في الإيراد".
وأضاف قائلا: "وعمرك ما كنت احد نجوم الصف الأول وانت عارف إن السبب إن فنك هابط يامرضان وملامحك للأسف متعرفش تعمل غير دور المدمن أو البلطجي أو إرهابي أو حرامي.. أنا كان نفسي متكلمش عنك لإنك أصلاً بالنسبالي وبالنسبة لكل الشعب الراقي المحترم أكذوبة وانت عارف كويس إن أفلامك طول عمرها بتفشل قدام النجوم المحترمه زي السقا وعز وتامر وأستاذ عادل إمام نصيحة يا مرضان روح اتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح أوي قدام الغلابه اللي مصدقينك اللي بينقرضوا واحد ورا التاني يا ولا قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت".
by via الفجر الفني
Enregistrer un commentaire