وعلق على الفيديو قائلًا: "قدر الله وما شاء فعل، كان نفسي نتبسط كلنا والحفلة كانت مجانية علشان نقدر نتبسط كلنا، الناس إلى سألت عليا أنا دلوقتي كويس الحمد لله،، أنا لما قبلت الحفلة دي كان لغرض اخليكم مبسوطين.. لما اتعرض عليا الموضوع فرحت إنها مجانا كان نفسي أخليكم مبسوطين بس عمري ما كنت أتخيل إن ممكن ييجي ٣٠،٠٠٠ شخص، مكنش ينفع أكمل غنا وأنا شايف ناس بتضرر وبتقع بسبب التدافع خاصة أنهم من جمهوري كان لازم أوقف الحفلة وتتلغي".
وأضاف: "بحكم معرفتكم بي أنا قريب منكم.. وواحد منكم وعمري ما هسمح لأي شيء يضركم.. المكان مقدرش يستوعب العدد ده كله، أسف جدا جدا جدا، وعايز أشكركم وأتأسف لكم على أي ضرر، ولو في أي حد اتصاب النهاردة أنا مستعد لو يسمحلي أجي أزوره بنفسي وأعتذر له".
وتابع: "أنا كمان اتصابت وربنا إلى عالم أني أكثر شخص تضرر في الموضوع ده ونفسيتي زفت لأني للحظة بقيت بلوم نفسي أني بقيت مغني مشهور،، كان نفسي تكونوا مبسوطين لأنكم تستحقوا ده.. حقكم على رأسي وأتمنى محدش يكون زعلان مني.. أنتم أكتر ناس عارفة أني مستحيل أضركم".
وزعم بعض رواد مواقع التواصل الاجتماعي أن الجمهور ضرب أحمد كامل بسبب إلغائه للحفل، وأكد آخرون أن سوء التنظيم كان السبب الرئيسي في المشاجرة.
by via الفجر الفني
Enregistrer un commentaire