عمرو أديب لـ حسام البدري: "جماهير الأهلي هيشجعوا الزمالك.. وهنفوز على بيراميدز"

هاجم الإعلامى عمرو أديب، كابتن حسام البدرى على مطالبته لجمهور الأهلى، بتشجيع نادى بيراميدز، معلقا: "ده الماتش بالذات، جماهير الأهلى هتشجع فيه الزمالك، لإن المحبة والصداقة حاجة، والفوز حاجة تانية، والزمالك هيكسب ماتش الخميس الجاى، واحنا منتصرين كزملكاوية مش جون واثنين لكن ثلاثة".

وأضاف "أديب" خلال برنامج "الحكاية" المعروض على قناة MBC مصر قائلا: " ده الزمالك وسنظل أوفياء، دة مش الأهلى اللى يتغلب تلاتة، ده الزمالك، حتى لو بيراميدز فيه لاعبين شاطرين زى عبد الله السعيد وغيره، لكن دة الماتش الوحيد اللى جماهير الأهلى هتشجع فيه الزمالك، والزمالك هيفوز يوم الخميس على بيراميدز".

وعلى جانب آخر، علق أديب على أداء كابتن محمد صلاح فى مباراة اليوم قائلا: "مش بيحب يجيب أجوان عادية لكن تاريخية، هو المنقذ صلاح العظيم اللى بينجد فرقته وينجحها فى الآخر، جون صلاح مش شبه أى جون، تفضل مستنى الفرج ويأتى على إيديه، جاب جونين، انشق من الأرض ودخل بالكرة داخل الجون، ويقف الناس فى الإستاد يقولوا "مو صلاح"، هو العبقرى واللعيب، كم أنت عظيم يا صلاح يا ابن مصر".

يذكر أن برنامج "الحكاية" تقديم الإعلامى عمرو أديب على قناة MBC مصر من يوم الجمعة إلى الاثنين فى تمام الساعة العاشرة مساء.

by via الفجر الفني