ابنة ماجد المصري تكشف سبب ارتدائها الحجاب!

كشفت ماهيتاب ابنه الفنان ماجد المصري، سر ارتدائها الحجاب بعد مرور عام مت قرارها هذا.

ونشرت صورة لها عبر صفحتها الشخصية بموقع الصور الشهير "إنستجرام" معلقة عليها: "زي النهاردة من سنة كان يوم مهم أوي بالنسبة لي.. زي النهاردة من سنة كنت قاعدة مع بنات قرايبي في البيت.. واليوم ده مكنتش مركزه معاهم خالص ولا مع كلامهم".

وتابعت: "كان في صوت في وداني مش بيروح بيقولي يالا يالا اتحجبي.. وكان كل ما حد يسألني سرحانة في ايه كنت بقول أي حاجة تانية.. مكنتش عايزة أقول عشان مرجعش في قراري.. روحت البيت بعد الساعة 12 وبقينا يوم 1 /3 قررت أني مش هنزل غير بالحجاب وفعلا نزلت بيه".

وأضافت: "الحمد لله النهاردة كملت سنة والحمد لله مندمتش مرة على القرار دا ولا حد لعب في دماغي.. مع أن في ناس سعات تقولي وحشنا شكلك الأول وكلام كده بس أنا مش بزعل عشان عارفة أني في الحالتين الحمد لله شكلي حلو.. بس بالحجاب أحلى وأحلى ومش حاسة اني اتسرعت أبدا ولا فايتني حاجة". 

by via الفجر الفني